今年英國真係熱到痴線，成日覺得屋企好似焗爐咁。如果你都覺得房間悶熱不通風，真係好難受，咁又可以點做先可以令到室內涼爽啲呢？即使冇冷氣，都有好多方法可以幫你降溫，呢篇Blog就同大家分享幾個有用嘅Tips！
開窗通風
如果屋企房間熱氣散不掉，首先要做嘅就係開窗通風。喺屋企相對兩邊嘅窗打開，令到空氣可以流通，將屋企嘅熱氣放走。呢個方法特別適合用嚟解決房間悶熱原因。如果住喺單位嘅朋友，只係得一邊有窗，可以開埋門，再加個風扇，幫手通風，但千祈唔好開通向走廊嘅門，因為呢啲係防火設施。
應否開窗降溫?
熱天決定開窗還是關窗，其實真係睇好多因素，例如氣候、氣溫、濕度水平同埋個人喜好。
對於住喺濕度或者污染高嘅地區嘅人，最好就係關上窗口，依靠風扇嚟維持舒適嘅室內環境。喺炎熱潮濕嘅地方打開窗戶，會增加濕度，令到屋企感覺更加悶熱。
另一方面，如果你住喺夏季氣溫較低嘅地區，打開窗口有助降溫同埋令新鮮空氣流通。住喺氣候較涼爽嘅地方或者擁有良好隔熱性能（insulation）嘅空間，打開窗戶可能係減少使用空調同改善室內空氣質素（indoor air quality）嘅有效方法。打開窗口亦能營造自然微風，帶嚟涼快嘅感覺，從而提升整體舒適度。
日頭隔熱
日頭最熱嗰陣，最好就係關窗同埋拉閘簾或者窗簾，特別係太陽照到嗰邊。呢個方法好有效對付房間悶熱不通風嘅情況。
NHS（英國國民保健服務）建議喺上午11點至下午4點之間，盡量將陽光直射嘅房間保持遮陽，特別係要關上窗簾。厚重嘅布窗簾、百葉窗（blinds）或者反光窗膜（reflective window film）可以阻擋陽光嘅熱度。
遮光窗簾（blackout curtains）可以作為額外嘅遮陽物，進一步降低熱量。佢哋喺晚上可以幫助防止熱量進入房間，並喺日間保持房間黑暗，防止陽光加熱房間。
用風扇增加風流
風扇 相對便宜又省電嘅方法嚟保持空氣流通，如果你覺得房間特別熱，試下將風扇放喺開窗前，可以將室外涼風吹入室內。如果室外真係涼啲的話，仲可以將冰塊放喺風扇前面，令吹出嚟嘅風更加涼快。呢個方法絕對係室內降溫神器！
不過如果室溫超過35度，用風扇反而仲會令身體吸收更多熱力，就好似有人用風筒吹住你咁。
為了充分發揮風扇嘅效用，建議喺開緊嗰陣時關上門窗，尤其係當室外溫度高於室內溫度嘅時候。如果打開窗口，熱量就會入哂屋企，咁樣佢就冇辦法有效運作。
仲有風扇喺較涼爽嘅時段（例如清晨同黃昏太陽落山之後）會有更大效果。呢啲時段配合打開窗口使用，可以令涼快嘅空氣喺屋企中有效流通。
減少製造熱量嘅活動
焗爐同煮食爐用完之後會放出好多熱氣，所以最好就係喺最熱嗰陣食啲生冷野，如三文治同沙律，可以減少不必要的熱量同節省電費。其他家電如洗衣機同洗碗機都會產生熱量，所以最好喺最熱嗰陣唔用。甚至插住插頭都會放熱，所以唔用嘅電器記得熄咗佢。
冷凍自己
如果你冇冷氣但又想涼快啲，可以試下用冰袋或者凍水樽敷身體，即刻有涼爽感覺。溫水沖涼都係一個好方法，可以幫你降低體溫，又可以省錢節能，但唔好沖太冷，因為太冷會令身體將血液鎖喺體內，熱氣反而唔容易散走。
搵個涼快嘅地方
如果屋企真係太熱，唔知點解決房間悶熱怎麼辦，可以考慮去有冷氣嘅公共場所如圖書館、康樂中心同購物中心。
發佈留言