英國 Black Friday 2024

英國黑色星期五2024指南
搵抵 deal 唔使俾人搵笨，聰明消費過聖誕！

咩係 Black Friday 黑色星期五？

「 Black Friday 」黑色星期五，係每年11月底嘅 感恩節 後嘅星期五，係英國以及世界各地嘅一年一度購物狂潮。 2024年嘅 Black Friday 將會喺11月29號登場，一直延續到 Cyber ​​Monday （12月2號），一整個週末都係各大零售商競相推出折扣優惠嘅熱點時刻。無論係 Amazon 、 John Lewis 、 Currys ，定係其他熱門商店，都會喺11月甚至10月就開始鋪天蓋地嘅促銷活動，呢段時間係你掃平貨、買聖誕禮物嘅黃金時期。

Black Friday開始時間及優惠持續時間

Black Friday早鳥優惠已經開始

雖然 Black Friday 嘅正式日期係11月29號，但事實上唔少零售商都喺11月初甚至10月中就開始推出早鳥優惠。例如 Amazon 、 Argos 、Currys 、John Lewis 等都已經陸續推出折扣產品，等大家提前享受 Black Friday 嘅折扣優惠。如果你睇中啲心水貨品，特別係家電或電子產品，可以考慮提前入手，避免當日人多擠迫或者搵唔到合適嘅優惠。

優惠延續到 Cyber ​​Monday

2024年 Cyber ​​Monday 將會喺12月2號緊接 Black Friday ，標誌住 Black Friday 購物週嘅結束。好多商店會喺 Cyber ​​Monday 集中科技產品嘅優惠折扣，例如Laptop 、Heahphone 、Smartpone 同遊戲主機等，係科技迷唔容錯過嘅日子。

2024 Black Friday 搵咩類型優惠最抵？

Black Friday 已經唔再局限於傳統玩具同家居產品，近年電子產品、智能家居、時尚名牌、健康及健身器材都係優惠嘅重點。以下係幾大類型產品嘅購物方向：

• 電子產品： Xbox Series X 、 PS5 Slim 、蘋果 iPad 、 Google Pixel 、三星 Galaxy 等智能手機幾乎每年都會有折扣優惠。 Amazon 主打嘅產品如 Echo 、 Ring Doorbell 、 Fire TV 等更是優惠嘅重中之重。
• 家居及廚房電器： Ninja 空炸鍋、 Dyson 吸塵機、智能電動牙刷等產品往往都有大減價。 Ninja Creami 同 Ninja Foodi 等廚房電器亦會係今年嘅熱賣產品。
• 玩具及遊戲： Lego 積木、 Nintendo Switch 遊戲機一向係家長搶手嘅商品，亦係聖誕節送禮首選。
• 時尚品牌：名牌手袋、鞋款、時裝設計師品牌同 Gucci 、 Prada 等高端產品，亦有機會喺 John Lewis 、 Harrods 等品牌優惠出現。
• 家居裝飾及家具：家居用品、沙發、廚房用品等喺 Wayfair 、 Argos 、 The Range 等商店有大幅折扣，適合裝修家居或者搬新屋嘅用家。

精明消費貼士：點樣搵真優惠，避開假折扣

• 制定購物清單
  先列出自己需要或者心水嘅物品，避免因為衝動而買咗唔需要嘅嘢。 Black Friday 優惠多到目不暇接，睇清楚先出手，以免後悔！
• 查建議零售價 Recommended Retail Price (RRP）
  有啲商店會特意誇大折扣，建議先查一查該產品平時嘅價錢，確保真係抵買。 CamelCamelCamel 等網站幫你追蹤 Amazon 商品價格波動，瞭解優惠係咪真係最低價。
• 比較多間商店價錢
  唔少商店都會推出相似產品嘅折扣，例如 Amazon 、 Argos 同 Currys ，甚至有時會推出額外現金回贈或者免運費等優惠，貨比三家先係精明選擇。
• 舊款產品更抵
  如果唔追求最新產品，舊款型號往往有更大折扣，而功能上可能並冇大分別。尤其係科技產品，舊機型往往比新機型有更高折扣，值得考慮。
• 購物通知功能
  喺 Amazon 、 Currys 等平台可以設定通知功能，當你心水嘅商品有折時即時收到通知，有助你以最抵價入手心水貨品。

Black Friday 熱門商店推介：2024已經開始嘅優惠商店

今個11月，英國多間商店已經陸續推出優惠，以下係幾間知名零售商，提供唔同類別商品嘅 Black Friday 優惠：

• Amazon ：涵蓋電子產品、智能家居設備等，特別係自家品牌 Echo 、 Kindle 等產品優惠。
• John Lewis ：包括咖啡機、智能手錶、 Gucci 等名牌產品折扣，高端用戶之選。
• Currys ：3000款科技產品優惠，提供「2024最低價保證」，適合科技迷。
• Very ：提供家居用品、電子產品、時尚單品優惠，並附加現金回贈。
• Wayfair ：專注家居裝飾、家具用品等，低至七折，適合居家裝修。
• Boots ：美妝護膚品優惠，數以千計產品減價，女性消費者必睇。